සුරකිමු සෙල්ලම - සුරකිමු ළමාවිය තේමාව යටතේ මුල් ළමාවිය සංවර්ධනය පිළිබඳ ජාතික ලේකම් කාර්යාලයේ උපදෙස් පරිදි මීගමුව ප්රාදේශීය ලේකම් රසිකා මල්ලවආරච්චි මහත්මියගේ මගපෙන්වීම යටතේ ජූනි මස 11 වන දිනට යෙදී තිබූ ජාත්යන්තර සෙල්ලම් දිනය සැමරීම වෙනුවෙන් පෙර පාසල් දරුවන් සඳහා විශේෂ වැඩසටහනක් 2026 ජුනි මස 12 වන දින මීගමුව පෝරුතොට දී පවත්වන ලදී. මෙම වැඩසටහන සදහා පෙර පාසල් දරුවන් 125 ක් සහ ඔවුන්ගේ දෙමාපියන් ද සහභාගී වූ අතර සෙල්ලම තුළින් දරුවන්ගේ බුද්ධි සංවර්ධනය, සමාජ කුසලතා සංවර්ධනය, භාෂා හා සන්නිවේදන කුසලතා සංවර්ධනය, මානසික සංවර්ධනය උදෙසා ලැබෙන දායකත්වය පිළිබඳව දෙමාපියන් දැනුවත් කරන ලදි. එහිදී නිදහස් සෙල්ලම්, නිර්මාණාත්මක සෙල්ලම් මෙන්ම භූමිකා නිරූපණ,ගීත හා චලන තුළින් දරුවන් සමග විවිධ ක්රියාකාරකම් සිදු කල අතර මෙම වැඩසටහන සඳහා සම්පත් දායකත්වය මීගමුව ප්රාදේශීය ලේකම් රසිකා මල්ලවආරච්චි මහත්මිය, මීගමුව ද හෙල්පින් හෑන්ඩ්ස් රොහල් අධ්යක්ෂ තාරු පරණවිතාන මහත්මිය, මීගමුව ළමා ආරක්ෂක නිලධාරී සහනි මල්ලවආරච්චි මහත්මිය සහ මීගමුව මුල් ළමාවිය සංවර්ධන නිලධාරී ගංගා හේමන්ති මහත්මිය විසින් ලබාදෙන ලදී.
