Divisional Secretariat - Negombo

මීගමුව ප්‍රාදේශීය ලේකම් රසිකා මල්ලවආරච්චි  මහත්මියගේ මග පෙන්වීම යටතේ මීගමුව  ප්‍රාදේශීය ලේකම් කාර්යාලීය ළමා කාන්තා ඒකකය විසින් සංවිධානය කරන ලද කාන්තා දින සැමරුම් උත්සවය 2026 මාර්තු මස 11 වන දින ප්‍රාදේශීය ලේකම් කාර්යාල පරිශ්‍රයේදී පැවැත්විණි. 

මෙහිදී තම දෛනික ජීවිතයේදී නොයෙක් දුක් කම්කටොළු වලට දිරියෙන් මුහුණ දී තම ජීවිතය ජයගත් කාන්තාවන් දස දෙනෙකු  සම්මුඛ පරීක්ෂණ මගින් තෝරාගෙන ඔවුන්ගේ වටිනාකම් ලොවට කියාපාමින්  ඔවුන්ව සම්මානයෙන් අගයනු ලැබුනි.  එසේම කාන්තා බල මණ්ඩලය විසින් ඉදිරිපත් කළ විචිත්‍රවත් නර්තනයකින් හා කාර්යාලීය සංවර්ධන නිලධාරී වත්සලා මියගේ මනරම් නර්තනයකින්  උත්සවය ඒකාලෝක විය.

මෙම අවස්ථාව සදහා ප්‍රාදේශීය සම්බන්ධීකරණ කමිටු සභාපති ගරු   ක්‍රිඩා නියෝජය  අමාත්‍ය සුගත් තිලකරත්න මැතිතුමා  ගරු  නගරාධිපති රොබට් හීන්කෙන්ද මැතිතුමා, නියෝජය නගරාධිපති චාමර මහතා ඇතුළු සම්භාවනීය පිරිසක් සහභාගි වූ අතර  මීගමුව ප්‍රාදේශීය ලේකම් කාර්යාලයට අනුබද්ධිත කාන්තා   සමිතිවල සාමාජිකයන් මෙන්ම කාර්යාලිය නිලධාරීන්ද සහභාගි විය. සම්මාන පිළිගන්වා කාන්තාවන් ඇගයීමෙන් පසු මීගමුවට ආවේනික ජාඩි නිශ්පාදනය කරන ආකාරයත් එවා නිවැරදි ක්‍රමවේදට බෝතල් කරන ආකාරයත් සම්බන්ධයෙන් දැනුවත් කිරීමේ වැඩසටහනක් ද පැවැත්වීනි.

උතුරු මුන්නක්කරය, නැ. මුන්නක්කරය, මුන්නක්කරය හා සිරිවර්ධන පෙදෙස වසම්වල ජනතාව වෙනුවෙන් මීගමුව ප්‍රාදේශිය ලේකම් රසිකා මල්ලවආරච්චි මහත්ම්යගේ මගපෙන්වීමෙන් රාජ්‍ය සේවය ගමට -  විශේෂ ජංගම සේවා වැඩසටහනක් 2026 අප්‍රේල් මස 09 වැනි දින උදෑසන 9.00 සිට අලියාපොල උත්සව ශාලාවේදී පැවැත්විණි. 

මීගමුව ප්‍රාදේශීය  ලේකම් කොට්ඨාසයේ 2026 වර්ෂය සදහා වූ ළමා පොකුර වැඩසටහන මීගමුව  ප්‍රාදේශීය  ලේකම් රසිකා මල්ලවආරච්චි  මහත්මියගේ ප්‍රධානත්වයෙන් 2026.02.07 වන දින මිගමුව කැටමරන් හෝටලයේදී පවත්වන ලදී.

මේ අවස්ථාව  සදහා ගරු ක්‍රිඩා නියෝජ්‍ය  අමාත්‍ය සුගත්  තිලකරත්න මැතිතුමා හා මීගමුව සංචාරක සංගමයේ සභාපති වර්ණකුමාර මහතා ද එක්විය. ඒ අනුව මීගමුව කොට්ඨාසයේ  හදුනාගත් අධි අවදානම්  දරුවන් 78 දෙනා වයස අනුව ඛාණ්ඩ කර ඒ ඒ කණ්ඩායමට කාන්තා නිලධාරීන් දෙදෙනෙකු බැගින් සම්බන්ධ කරන ලදී.

වැඩසටහනේ මුලික වැඩකටයුතු වලින් අනතුරුව දරුවන් සදහා සංග්‍රහයක් ලබා දෙනු ලැබූ අතර පසුව  හෝටල් පරිශ්‍රයේ හා වෙරළ තීරයේ දරුවන් සමග ක්‍රිඩා හා කණ්ඩායම් ක්‍රියාකාරකම් පවත්වන ලදි.  එහිදි දරුවන්ගෙ ගැටලු හදුනාගෙන වාර්තා කර ගැනිම සිදු විය. ඊට සමගාමීව එම දරුවන්ගෙ දෙමාපියන් යහපත් දෙමාපියභාවය පිලිබදව දැනුවත් කිරීමක්ද සිදු කරන ලදී.

78 වන ජාතික නිදහස් දින සැමරුම් උත්සවයට සමගාමීව පවත්වනු ලබන මීගමුව ප්‍රාදේශීය  නිදහස් දින උත්සවය හා දේශාභිමානී ගී ප්‍රසංගය  මීගමූව ප්‍රාදේශීය ලේකම් කාර්යාලයේදී  ප්‍රාදේශීය ලේකම් රසිකා මල්ලවාරච්චි මහත්මියගේ මග පෙන්වීම යටතේ  සර්වාගමික පූජකවරුන්ගේ සාහභාගීත්වයෙන් ගරු ක්‍රීඩා නියෝජ්‍ය අමාත්‍ය සුගත් තිලකරත්න මැතිතුමාගේ ප්‍රධානත්වයෙන් ගරු නගරාධිපති රොබට් හීන්කෙන්ද මැතිතුමා ඇතුලු දේශපාලන අදිකාරියේ හා කොට්ඨාශයේ  රාජ්‍ය ආයතන  නිලධාරීන්ගේ  සහ මීගමුව ප්‍රාදේශීය ලේකම් කාර්යාලීය නිලධාරීන්ගේ ද, මීගමුව  කාන්තා බල මණ්ඩලයේ, වැඩිහිටි බල මණ්ඩලයේ හා යෞවන සමාජ සම්මේලනයේ සාමාජිකත්වයේ සහභාගිත්වයෙන්  පෙබරවාරි 04  වන දින  පැවැත්විණ.