Divisional Secretariat - Negombo

ධීවර අමාත්‍යාංශයේ මූලිකත්වයෙන් ගම්පහ දිස්ත්‍රික් ලේකම් කාර්යාලයේ අධීක්ෂණයෙන් මීගමුව ප්‍රාදේශීය ලේකම් කාර්යාලයේ සංවිධානයෙන් පසුගියදා දිස්ත්‍රික් ධීවර සම්බන්ධීකරන කමිටු රැස්විම මිගමුව මහ නගර සභා ශාලාවේදි පැවැත්විනි.

මිගමුව ප්‍රාදේශිය ලේකම් රසිකා මල්ලවආරච්චිමහත්මියගේ මගපෙන්වීම යටතේ 163/Cසෙත්තප්පාඩුව වසමේ ග්‍රාම නිලධාරි වාසනා ශ්‍රීමාලි මහත්මියගේ සංවිධානයෙන් මුහුදු වෙරළ ආරක්ෂා කිරීමේ වැදගත්කම පිළීබඳව ආකල්ප දරුවන් තුළින් ගොඩනැඟීමේ අරමුණින් දැණුවත් කිරීමේ වැඩසටහනක් සහ ඊට සමගාමිව එම දරුවන් සමග මුහුදු වෙරළ පිරිසිදු කිරිමේ වැඩසටහනක් 2025 ජූලි මස 05 වන දින සාර්ථකව සිදුකරන ලදි.

ගම්පහ දිස්ත්‍රික් ලේකම්තුමාගේ සංකල්පනාවකට අනුව  මීගමුව ප්‍රාදේශීය ලේකම් කොට්ඨාශයේ හඳුනාගත් අනාරක්ෂිත හා අවදානම් තත්වයේ පසුවන දරුවන්ගේ මනෝ සමාජීය තත්වය සංවර්ධනය කිරීමේ අරමුණින් ක්‍රියාත්මක ළමා පොකුර වැඩසටහන මීගමුව ප්‍රාදේශීය ලේකම්තුමියගේ මගපෙන්වීමෙන් 2025 ජූලි මස 05 වන දින මීගමුව රාජපක්ෂ උද්‍යානයේදී පැවැත්විණී.

එහිදී 2024 වර්ෂයේදී මෙම කොට්ඨාශය තුල හඳුනාගත් අවදානම් දරුවන් 78 දෙනෙකු වෙනුවෙන් පවත්වන ලද  ළමා පොකුර වැඩසටහන යටතේ එම දරුවන්ගේ හා භාරකරුවන්ගේ මනෝ සමාජීය හා ආර්ථිකය සවිබල ගැන්වීම වෙනුවෙන් සපයන ලද සේවාවේ ප්‍රගතිය හා ගැටළු සඳහා අවශ්‍ය මැදිහත්කරණයන් සම්බන්ධව විමසා බලන ලද අතර දරුවන් වෙනුවෙන් විවිධ ක්‍රියාකාරකම් හා භාරකරුවන් සඳහා යහපත් දෙමාපියභාවය පිළිබඳව දැනුවත් කිරිමක්ද සිදු කරන ලදි. 

මෙම වැඩසටහන මීගමුව ප්‍රාදේශීය ලේකම් කාර්යාලයේ ළමා හා කාන්තා ඒකකය හා කාර්යාල නිලධාරි මණ්ඩලය විසින් සංවිධානය කල අතර හඳුනාගත් අනාරක්ෂිත හා අවදානම් තත්වයේ පසුවන දරුවන් හා ඔවුන්ගේ භාරකරුවන් සහභාගි විය.

මිනිස් ජිවිතයේ ඉතාම වැදගත් හා සංවේදිම කාලපරිච්ඡේදය මුල් ළමාවිය අවධියයි.  මුල් වසර පහක කාලයක් තුල ලදරුවාගේ කායික, මානසික , සමාජමය හා චිත්තවේගමය දියුණුව සඳහා ධනාත්මක පරිසරයක් උරුම කරදීම දෙමාපිය , ඥාති මිත්‍රාදීන්ගේ වගකිමයි.  මේ පිළිබඳව මුල් ළමාවිය දරුවන්ගේ දෙමාපියන් දැණුවත් කිරිමේ පුහුණූ වැඩමුළුවක් මිගමුව , කුඩාපාඩුව මාතෘ සායන ශාලාවේදි පැවැත්විණී.

මේ සඳහා මීගමුව මුල් ළමාවිය සංවර්ධන නිලධාරි , කුඩාපාඩුව පවුල් සෞඛ්‍ය සේවා නිලධාරි සහ කුඩාපාඩුව නාගරික පෙර පාසැලේ ප්‍රධානාචාර්යතුමිය සම්පත් දායකත්වය ලබාදුන් අතර , මුල් ළමාවිය දරුවන්ගේ දෙමව්පියන් විශාල පිරිසක් මේ සඳහා සක්‍රීයව සහභාගි විය.

මෙම වැඩමුළුව මිගමුව ප්‍රාදේශීය ලේකම්තුමියගේ මගපෙන්වීමෙන් මුල් ළමාවිය සංවර්ධන නිලධාරි ගංගා හේමන්ති මහත්මිය විසින් සංවිධානය කර තිබුණී.