Divisional Secretariat - Negombo

ඉ-ජනගහන ලේඛණ වැඩසටහනේ දිස්ත්‍රික් නියමු ව්‍යාපෘතිය ක්‍රියාත්මක කරනු ලබන කළුතර දිස්ත්‍රික්කය තුළ ජාතික උප්පැන්න සහතික නිකුත් කිරීමේ කටයුතු මේ වන විටත් සිදු කරනු ලබයි .  ඒ අනුව ගම්පහ දිස්ත්‍රික්කයේ මීගමුව ප්‍රාදේශීය ලේකම් කාර්යාලය ඉ-ජනගහන ලේඛන වැඩසටහන යටතේ ජාතික උප්පැන්න  සහතික  අද දින   ( 2025 අප්‍රේල් 08 )  මහජනතාව වෙත නිකුත් කිරීම ආරම්භ කරන ලදි.

එසේම ජාතික උප්පැන්න සහතිකය සඳහා ලබා දෙනු ලබන " මගේ අංකය " පුද්ගලයින් ලියාපදිංචි කිරීමේ දෙපාර්තමේන්තුව සමග එක්ව නිකුත් කරනු ලබන අතර ඉදිරියේදී එම අංකය ජාතික හැඳුණුම්පත් අංකය ලෙසින් භාවිතා කරනු ලබනු ඇත.

විදාතා සම්පත් මධ්‍යස්ථානය මඟින් ස්වයංරැකියා පුහුණුලාභීන් සඳහා 2025 මාර්තු මස තාක්ෂණ පැවරුම් වැඩසටහන් කිහිපයක් පවත්වන ලදි.

• යෝගට් නිෂ්පාදන තාක්ෂණ පුහුණු වැඩසටහන පල්ලන්සේන කාන්තා සමිති ශාලාවේදී 2025 මාර්තු මස 06 වන දින පැවැත්විණී. එම වැඩසටහන සඳහා 27 දෙනෙකු සහභාගි වූ අතර සම්පත් දායකත්වය කේ.ජේ.ඒ්.වී. පෙරේරා මහතා ( විශ්‍රාමික විද්‍යා හා තාක්ෂණ නිලධාරි - මීගමුව) ලබාදෙන ලදි.

•  බිම්මල් නිෂ්පාදන න්‍යායාත්මක පුහුණු වැඩසටහන 2025 මාර්තු 18 වන දින දළුවකොටුව ප්‍රජාශාලාවේදී පැවැත්විය. මිගමුව විදාතා  සම්පත් මධ්‍යස්ථානයේ ක්ෂේත්‍ර සම්බන්ධීකාරක එස්.එච්.එම්.ජයනාත් පියසේන මහතා සම්පත් දායකත්වය ලබාදුන් අතර එම වැඩසටහන සඳහා 20 දෙනෙකු සහභාගි විය.

• ඉටිපන්දම් නිෂ්පාදන පුහුණු වැඩසටහන 2025 මාර්තු මස 19 වන දින කුරණ ග්‍රාම නිලධාරි වසමේදී පැවැත්විණි.  ඒ් සඳහා මිගමුව විදාතා  සම්පත් මධ්‍යස්ථානයේ ක්ෂේත්‍ර සම්බන්ධීකාරක එස්.එච්.එම්.ජයනාත් පියසේන මහතා සම්පත් දායකත්වය ලබාදුන් අතර එම වැඩසටහන සඳහා 22 දෙදෙනෙකු සහභාගි විය.

මීගමුව ප්‍රාදේශීය ලේකම් රසිකා මල්ලවආරච්චි මහත්මියගේ මගපෙන්වීමෙන් කාර්යාලයේ දේශීය ආයුර්වේද සංවර්ධන නිලධාරිනි සිතාරා මහත්මිය විසින් මීගමුව ප්‍රාදේශීය ලේකම් කාර්යාලයේ  නිලධාරින් සඳහා පුහුණූ වැඩසටහනක් ජාතික පොලිස් අභ්‍යාස ආයතනයේදී 2025 මාර්තු මස 29 වන දින පැවැත්විණි.

එම අවස්ථාවට නියෝජ්‍ය පොලිස්පති ජාලිය සේනාරත්න මහතා සහභාගි වූ අතර ජේෂ්ඨ පොලිස් අධිකාරි නිශාන්ත චන්ද්‍රසේකර මහතා සහ ආචාර්ය නිරෝශීකා දූරදර්ශනී මහත්මිය විසින් සම්පත් දායකත්වය ලබාදෙන ලදි.

බහු ආගමික හා බහු වාර්ගික ජන කොටස් එක්ව ජීවත්වන මීගමුව පුරවරය තුල එකමුතුකම, ප්‍රාදේශීය ආගමික සහයෝගීතාව වර්ධනය මෙන්ම සංස්කෘතික හුවමාරුව හා බෙදා ගැනීම  අරමුණූ කොට ගෙන මීගමුව ප්‍රාදේශීය ලේකම් රසිකා මල්ලවආරච්චි මහත්මියගේ මෙහෙයවීමෙන්  2025 මාර්තු 20  දින ප.ව. 4.30 සිට ඉෆ්තාර් ආගමික උත්සවය ගෝල්ඩන් පැලස් උත්සව ශාලාවේ පවත්වන ලදි.

මෙම උත්සවය සඳහා සර්වාගමික පූජකවරුන් , මිගමුව ප්‍රාදේශීය ලේකම් කාර්යාලයේ නිලධාරින් හා ප්‍රදේශවාසීන්ද සහභාගී විය.